على غفلة!!

ركشت في الفراش

و هي تخمم عمرها قداش

باش تتعلم الفرداش

و الا حضور نطحة الكباش

و الا تشوف وجه الخفاش

!!حاصيلو ملا احلام

صحيح هي هادية

و تسمع كان الاغاني الراقية

و تخطط لحياتها الباقية

و ترسم في روحها كطفلة شاقية

للعطشانين ساقية

و لليعة ذايقة

اما يقعد عندها احلام باطنية 

تحب تدخل لهاكا الحديقة السرية 

و تلعب كل الالعاب الفكرية

........و تتعلم اللغة الكورية الهندية الروسية

و تتخلص من مشكلة بشرتها الدهنية

و تخدم في المجالات الطبية

و تسافر لكل البلدان الاجنبية

تمشي للادغال و تعمل صحبة مع الحيوانات البرية

و اللي يسمع يقلك عبد و الا جنية؟

اي هاذيكا عبد 

و على قريب باش تولي جند

و توري للفرد

انو عندو الحق باش يحلم و يحقق

و في وجه مصيرو ما يوقف

تلها في روحك و في غيرك ما تتكلف

عيش حياتك باش تعرف كيفاش تتصرف

حاصيلو كون انت الي تحب عليه

باش ما تندمش و تلوم عملة يديك

!!حسّوا باهاِ

الدنيا تدور 

و كل حد عندو ما يقول

في هذا شرفو مستور

و هذاك للريح يدور

إي علا خاطر أمّو ما ربت 

و جدّاه ما ضربت

و عمتو ما كبرت

و بوه وينو؟

بوه للدنيا بايع 

في طريقها ضايع

شخلاّه في الحبس لعامو الرابع

و مرتو لا حدّ سإل علاها 

مهدودة و شاقية و بعرق جبينها عايشة

لا لقمة حرام في دارها بايتة 

و حقّ صغارها مش ناسية

تتكلّم و كلامات النّاس مش شايفة

ولا لوجيعتها شايفة

أما تقعد مش باش تسلّم

للدّنيا ديما تتبسّم

لحقّها ديما تتكلّم

هاذيكا هي المرا المناضلة

أما فمّا شكون يقلّك

"مسكينة هي باهية أما ولدها العايق"

هو يشوف بوه يضرب يسرق يغتصب يزطّل

و يسكت؟؟؟

صحيح خاطيه 

كيما يقولوا"ذاك الشبل من ذاك الأسد

و يفزلّك البو يقلك "أعمل و راسي يسدّ

لا حدّ ينجّم يديه عليك يمدّ

و كي يجدّ الجدّ

" ناديلي أتو نجي نهدّ

!!أي مسكينة 

ملّي كانت تعاني في واحد ولّو زوز

للطريق الغالط هزّوه

و بالعمايل فزّدوه 

و مالمدرسة طرّدوه

و مالصّنعة بطّلوه

و في القهوة عذّبوه

يالّلي بيك يالّلي عليك

و عينيه حلّوها

للحرقة رسموها

و العيشة غادي جمّلوها 

"و للمشية سهّلوها"مليون و شقف

و لأمّو لوّحوها

ضربوها عذّبوها و كلوها

!!!!أي مسكينة

في ليلة هي راقدة

تحسّ في الدنيا باردة

رعد و مطر و البرّا هايجة

!!!!أما ولدها

 ههههه, ساكو و الشّطّ

و لا عاد يتلفّت لحدّ

ركب و هوّ ما كيفو حدّ " يالبابور يالمونامور

!!!ههههه

أما هاو هزّو لللّاميزير

مع آلاف العباد فرد بازار 

و عينيه ماعادش تشوف الدّار

للموت مشى

و مبعد ما جى

!!!!أي مسكينة

أمّوا صادها العمى 

خاطر عيناها ما وقّفت البكى

و قلبها إلّي عامل العزى

!!!!أي مسكينة

ما كانتش تعرف النّهاية

و كلّ مرّة كانت تسخايلها البداية

M.H.A

َصَدِيقُ نَفْسِك

يااا محلاه الطقس اليوم

لا فما سحاب و لا غيوم

أيا مالا نمشو نعملودورة بين الكروم؟؟

شبيك حزينة و هازة حمل الدنيا على كتفك؟؟

اا أكا الي ما يتسمى ضربك و خلاك ملوحة في محنتك؟؟

مانا عرفناه ملول كلب و ما يسواش دمعتك

أيا عاد قوم و أفرح و خلي الطقس يشهد 

الي مرا كيفك تحدت العالم و وقفت 

و الهم من طريقها بعدت 

باش تتمتع بحياتها الي قعدت

!!!هيا عاد

نعم؟؟تحبو؟؟

بلي عمل فيك مازلت تحبو؟؟

المر و العذاب الي ذقتو؟؟

و الصوت العالي الي سمعتو؟؟

و التهميش الي شفتو؟؟

ياخي مناش مصنوعة انت؟؟

بربي اخطاني من اللوغة المضروبة 

قلك يحبني اما جيتو على ساقو المكسورة

و بالزهر في ساعتو المنقوبة

من عرفو الي هد عليه الدنيا على جال كوبة

!!هههههه

الي يحب مل يدخلش الخدمة في الدار 

و عمرو ما يسمع كلمة عار

و يهدي روحو و يطفي النار 

الي في جواجيه حارقة

في سعادتو سارقة

و ما يخليش روحو تفوتو الكار 

لا عيلة لا صغار

هذا تو راجل تحبو و تعمل عليه؟؟

ننصحك فك عليك 

و من الريق الزايد بعدو عليك

عيش حياتك على كيفك 

لا راجل باش يفيدك 

و لا كلمة حلوة منو باش تزيدك 

وهرة على وهرة

انت تعرف روحك شنوة

و الناس مالها الا شهوة

تستحقها باش تخرج للقهوة

تعمل معاها جو و سهرة

اما الصاحب و الخو و المعين الحقيقي 

هو انت! فما عبد في داخلك يتكلم

في مشاكلك يخمم

و لحلولها يصمم

اما انت الي كابتتو قاتلتو دافنتو و خايفة

علاش؟؟ على خاطر الناس الي تحكي

واللي لسانها ما يهني

"راهي وحيد و لغيرها ما تشكي,مالا معقدة"

هذا هو انت مناش خايفة؟؟

اختي,هاني نوصيكوصاية وسع

كان تحب روحك بلمنجد ناجحة

اقف و ناضل و كون فالحة 

و مع روحك كون متصالحة

و العبد الي داخلك سيبو خليه يتصايح

صوتو قبب في السماء

حد لا يمحيه و لا يرجعو للوطا

!!هيا عاد امسح دموعك و هيا نعملو دورة

M.H.A

آلْدِّنْيَا

!!!دنيا

الكلمة هاذي عادية

في فوامنا نلكلكوها

في مخاخنا نعاودوها

و في حياتنا نسبوها

أما شمعناها دنيا؟

دنيا هي إنك تكون فرحان 

مخك شايخ و طيران

أما شايخ بالزطلة؟

وا إلا بالطبلة؟

هههه أما طبلة؟

طبلة الناس الفارغة

إلي كي تفد تبدا في ريوس غيرها زارعة

 حقد وكره وتكعريرات زايدة 

على غيرها الناجحة

إلي حياتها بانية 

إلي في طريقها ماشية

لنجاحها تحارب 

في سواد الليل تقاوم 

و في البرد تساوم

باش يخليها درجين دافية 

تخمم في الأوقات الكافية

لصحتها شافية 

للإنتصارها شايفة

أما شبينا هكا؟

مغرورين و متكبرين؟

والأخرين؟مشهم موجودين في التمتيم؟

أناهم الأخرين؟

اللي قاعدين متربعين؟

و على غيرهم معملين؟

و للربي داعين؟

هاذوكم فاشلين

الكلام علاهم حرام

و الخزرة لاهم عار

شبيني عنصرية؟وفي الناس مضاربية؟

سامحني،أما كل حد و حقو

اللي يخدم ربي يعينو

واللي قاعد ربي يزيدو

ووه؟شبيني ما نجمش ندعي بالخيرعلاهم؟

اه،أنا ما دخلنيش

"كيما يقول المصري"البطالة ما توكلش عيش

قوم حارب ناضل باش تكون من جماعة الفيش 

خدمة النهار ما فاها عار

فز لم يديك و ساقيك و كون عبد و جار

باش تقول لروحك ملا جبّار 

على روحي عملت و تلهيت بالدّار 

بأمّي و أخواتي الصّغار

ملّخر أصحابي

 الدّنيا هاذي لمّتنا 

في شونها دفّتنا

و لمصلحتنا وجّهتنا 

أمّا أحنا الّي بينا و علينا

و في الطّريق الصّحيح ما مشينا

و لذا كلمتي لِخْرَى

كلّ حدّ يخزر مليح

و يحلّ عينيه

 ويشوف آش ليه و آش عليه 

و مالبرستيج فكّ عليك

واِثني ساقيك

في الدّنيا هاذي ما تنفعك كان خدمة يديك

M.H.A